सिटीपोष्ट
काठमाडौँ, २५ कात्तिक । नेपाली चलचित्र क्षेत्रमा नयाँ कलाकार र सिर्जनात्मक टोलीको सहकार्यमा अर्को चलचित्र थपिने भएको छ । मार्टिन भण्डारी र डार्विन श्रेष्ठको संयुक्त निर्देशनमा निर्माण हुन लागेको चलचित्र ‘द प्रोफेसनल गाइज’ले मुख्य कलाकार सार्वजनिक गर्दै आफ्नो निर्माण यात्रालाई थप चर्चामा ल्याएको छ ।
निर्माण पक्षले बुधबार चलचित्रको पोस्टर सार्वजनिक गर्दै पाँच जना कलाकारलाई मुख्य भूमिकामा प्रस्तुत गरेको हो । सार्वजनिक पोस्टरअनुसार चलचित्रमा अमन श्रेष्ठ, बासना तिमिल्सिना, शिशिर सिवाकोटी, जीवन बस्नेत र प्रवेश महतारा क्षेत्री मुख्य भूमिकामा देखिनेछन् । मुख्य कलाकारको छनोटसँगै चलचित्रले नयाँ पुस्ताका कलाकारलाई अगाडि ल्याउने प्रयास गरेको देखिन्छ ।
जेकेएस इन्टरटेनमेन्टको प्रस्तुतिमा बन्न लागेको चलचित्रमा पाँच मुख्य कलाकारबाहेक ठूलो कलाकार समूह पनि समेटिएको छ । गोविन्द सुनार, भारत बारबरिक, सुरज पराजुली, रश्मी उप्रेती, सुशान्त डंगोल, विजय रोय, अबिन ठटाल, आशिष सौदागर र मुन्ना शाहलगायत कलाकारले अभिनय गर्नेछन् । बाल कलाकारका रूपमा रागन मानन्धर, एन्जेल मानन्धर, सृजन श्रेष्ठ, सिमरन श्रेष्ठ र अभिलाषा मानन्धरलाई समावेश गरिएको छ ।
चलचित्रको विशेष पक्ष यसको निर्माण र सिर्जनात्मक जिम्मेवारीमा निर्देशक तथा कलाकारबीचको सहकार्य पनि हो । अमन श्रेष्ठ र डार्विन श्रेष्ठ निर्माता रहेको चलचित्रमा मार्टिन भण्डारी सहनिर्माताका रूपमा जोडिएका छन् । चलचित्रको कथा तथा पटकथा लेखनको जिम्मेवारी पनि मार्टिन र डार्विनले नै सम्हालेका छन् । अमन श्रेष्ठ सहलेखकसँगै सिर्जनात्मक निर्देशकको भूमिकामा छन् । यसले चलचित्रको कथ्य र प्रस्तुतिमा निर्माण टोलीकै साझा दृष्टिकोण रहने संकेत गर्छ ।
प्राविधिक पक्षमा पनि चलचित्रले विविध अनुभव भएका व्यक्तिलाई समेटेको छ । डार्विन श्रेष्ठ छायांकन निर्देशकका रूपमा रहनेछन् । छायांकनमा डार्विन श्रेष्ठसँगै सुबन गुरुङ, विजय रोय र अमृत चौहान संलग्न छन् । चलचित्रको सम्पादन तथा रंग संयोजन अनन्त घिमिरेले गर्नेछन् भने नृत्य निर्देशनको जिम्मेवारी राहुल शाहले पाएका छन् ।
संगीतलाई पनि चलचित्रको महत्वपूर्ण पक्षका रूपमा प्रस्तुत गरिएको छ । पाश्र्व संगीत ब्रिजेश श्रेष्ठ र बियोन्डले तयार पार्नेछन् । चलचित्रका गीतमा अस्मिता अधिकारी, विराज गौतम र बियोन्डको स्वर रहने निर्माण पक्षले जनाएको छ । त्यस्तै, शीर्ष गीतमा बियोन्ड र केरु अन फ्लिकको ¥याप समावेश गरिनेछ । यसले चलचित्रको सांगीतिक प्रस्तुतिमा गायनसँगै ¥यापलाई समेत स्थान दिने देखिन्छ ।
कलाकारको ठूलो समूह, निर्माणदेखि लेखनसम्म निर्देशकको प्रत्यक्ष संलग्नता र संगीतमा फरक विधाका कलाकारको सहभागिताले ‘द प्रोफेसनल गाइज’लाई बहुआयामिक बनाउने निर्माण पक्षको तयारी देखिन्छ । यद्यपि चलचित्रको कथावस्तु, पात्रको चरित्रचित्रण र विधाबारे विस्तृत जानकारी भने सार्वजनिक गरिएको छैन ।
प्रतिक्रिया दिनुहोस्