टोखामा गोली चल्यो, २ जना लागुऔषध कारोबारी पक्राउ

२७ जेठ, काठमाडौं । काठमाडौंको टोखामा गोली चलेको छ । प्रहरीले गोली हानेर दुई जना लागुऔषध कारोबारीलाई नियन्त्रणमा लिएको छ । टोखाको ग्राण्डी अस्पताल नजिकै प्रहरीले लागुऔषध कारोबारीलाई नियन्त्रणमा लिएको हो । प्रहरी इन्स्पेक्टर राकेश यादवको टोलीले गोली चलाएर दुई जनालाई नियन्त्रणमा लिएको हो । उनीहरूको साथबाट १ सय ५० ग्रामभन्दा बढी ब्राउन सुगर पनि बरामद गरेको छ । गोली चल्दा दुई जना प्रहरी पनि घाइते भएका छन् ।

नेपाल प्रहरीका एसएसपी कृष्ण कोइरालाका अनुसार घाइते हुने प्रहरीमा रवीन्द्र केसी र नवराज घिसिङ रहेका छन् ।