सिटीपोष्ट
२७ साउन, काठमाडौं । आर्सनलले इंग्लिस प्रिमियर लिग फुटबलमा सुखद सुरुवात गरेको छ । शनिबार भएको सिजनको आफ्नो पहिलो खेलमा आर्सनलले नटिङघम फरेस्टलाई २– १ गोल अन्तरले हराएको हो ।
इमिरेट्स स्टेडियममा भएको खेल इटिकेटिङमा समस्या भएर अधिकांश दर्शक बाहिरै रहेपनि निर्धारित समयभन्दा ३० मिनेट ढिलो सुरु भएको थियो । खेलको सुरुमै नटिङघम फरेस्टले गोल गर्ने अवसर पाएको थियो, तर ब्रोनन जनसनको प्रहार आकासियो ।
आर्सनलले २६औं मिनेटमा एडी एनकेटियोको गोलबाट अग्रता लियो । ६ मिनेटपछि नै बुकायो साकाले गोल गरेपछि पहिलो हाफमा घरेलु टोली २–० ले अगाडि रह्यो ।
खेलको ८३औं मिनेटमा टाइवो अवानीले गोल गरेपनि नटिङघम फरेस्टको हार टार्न सकेनन् ।
प्रतिक्रिया दिनुहोस्