सिटीपोष्ट
काठमाडौं, ३ भदौ । महालक्ष्मी विकास बैंकले बैंकिङ सेवालाई दैनिक जीवनसँग थप जोड्ने उद्देश्यसहित ‘महालक्ष्मी स्मार्ट साथी’ योजना ल्याएको छ । यस योजना मार्फत बैंकले आफ्ना ग्राहकलाई विभिन्न गैरवित्तीय सेवामा विशेष छुट उपलब्ध गराउने भएको छ । बैंकले स्वास्थ्य, होटल तथा रेष्टुरेन्टलगायतका क्षेत्रका विभिन्न संस्थासँग सहकार्य गरी ग्राहकलाई अतिरिक्त सुविधा दिने व्यवस्था गरेको हो ।
सम्झौतापछि बैंकका डेबिट कार्ड, क्रेडिट कार्ड तथा मोबाइल बैंकिङ प्रयोग गर्ने ग्राहकले सम्बन्धित संस्थाबाट सेवा लिँदा तोकिएको छुट प्राप्त गर्न सक्नेछन् । यसले बैंकका डिजिटल तथा कार्ड सेवाको प्रयोगलाई थप प्रोत्साहन गर्ने अपेक्षा गरिएको छ ।
बैंकका अनुसार यस्तो सहकार्यको मुख्य उद्देश्य ग्राहकलाई बैंकिङ कारोबारसँगै दैनिक उपभोगका सेवामा समेत प्रत्यक्ष लाभ पु¥याउनु हो । पछिल्लो समय बैंक तथा वित्तीय संस्थाबीच ग्राहकलाई केवल निक्षेप, कर्जा र भुक्तानी सेवामा सीमित नराखी विभिन्न साझेदार संस्थामार्फत अतिरिक्त सुविधा उपलब्ध गराउने प्रतिस्पर्धा बढ्दै गएको छ । महालक्ष्मी विकास बैंकले पनि यही अभ्यासलाई निरन्तरता दिँदै विभिन्न क्षेत्रका संस्थासँग सहकार्य विस्तार गर्दै आएको देखिन्छ ।
बैंकले विगतमा पनि स्वास्थ्य संस्था, होटल, रेष्टुरेन्ट, सुपरमार्केटलगायत विभिन्न व्यवसायसँग यस्तै प्रकृतिका सम्झौता गर्दै आएको छ । सम्झौता भएका संस्थाअनुसार ग्राहकले स्वास्थ्य परीक्षण, खानपान, आवास तथा अन्य सेवामा छुट पाउने व्यवस्था हुँदै आएको बैंकको आधिकारिक सूचनामा उल्लेख छ ।
ग्राहकले छुट लिनका लागि सम्बन्धित संस्थामा सेवा लिँदा बैंकको तोकिएको कार्ड वा मोबाइल बैंकिङ प्रयोग गर्नुपर्ने व्यवस्था रहेको छ । यसले डिजिटल भुक्तानीको प्रयोग बढाउनसमेत सहयोग पुग्ने बैंकको विश्वास छ ।
महालक्ष्मी विकास बैंकले वित्तीय सेवासँगै डिजिटल बैंकिङलाई प्राथमिकतामा राख्दै आफ्ना प्रविधिमैत्री सेवा विस्तार गरिरहेको छ । बैंकले ग्राहकलाई सहज, सुरक्षित र आधुनिक डिजिटल बैंकिङ सुविधा उपलब्ध गराउने उद्देश्यले मोबाइल एपलाई समेत परिष्कृत गर्दै ‘महालक्ष्मी स्मार्ट साथी’ सञ्चालनमा ल्याएको जनाएको छ ।
बैंकले हालै काठमाडौंको ज्ञानेश्वरमा कफी लाउञ्जसहितको डिजिटल हब सञ्चालनमा ल्याएको विषयलाई पनि आफ्नो ग्राहक सेवा विस्तारको प्रयासका रूपमा अघि सारेको छ । यस्तो हबमार्फत परम्परागत बैंकिङ सेवाभन्दा फरक वातावरणमा डिजिटल कारोबार र ग्राहकसँगको अन्तरक्रियालाई सहज बनाउने लक्ष्य राखिएको छ ।
ग्राहकलाई विभिन्न संस्थाका सेवा प्रयोग गर्दा छुट उपलब्ध गराउने योजनाले बैंक र व्यवसायबीचको सहकार्यलाई समेत बलियो बनाउने अपेक्षा गरिएको छ । बैंकका लागि यसले ग्राहकसँगको सम्बन्ध थप मजबुत बनाउने र ग्राहकका लागि दैनिक खर्चमा केही राहत पु¥याउने माध्यम बन्न सक्ने देखिन्छ ।
महालक्ष्मी विकास बैंकले ‘सबल बैंक, सफल सहकार्य’ भन्ने अवधारणाअनुसार विभिन्न क्षेत्रका संस्थासँग साझेदारी गर्दै ग्राहककेन्द्रित सेवा विस्तार गरिरहेको जनाएको छ । बैंकका अनुसार आगामी दिनमा पनि ग्राहकको आवश्यकता र बदलिँदो जीवनशैलीलाई ध्यानमा राखेर यस्ता सुविधा विस्तार गर्दै जाने योजना रहेको छ ।
प्रतिक्रिया दिनुहोस्