सिटीपोष्ट
कठमाडांैं, ३० कात्तिक । कर्णाली यश्वीसले लगातार दोस्रो सिजन एभरेस्ट महिला भलिबल लिगको उपाधि जितेको छ । शनिबार त्रिपुरेश्वरस्थित राष्ट्रिय खेलकुद परिषदको कभर्ड हलमा भएको फाइनल भिडन्तमा ललितपुर क्विन्समाथि ३–२ को सेटमा जित निकालेर कर्णाली च्याम्पियन बनेको हो । अघिल्लो सिजन पनि कर्णालीले उपाधि जित्ने क्रममा ललितपुरलाई नै हराएको थियो ।
शनिबार कर्णालीले पहिलो सेट २६–२४ ले जितेर विजयी सुरूवात गर्न सफल भयो । दोस्रो सेटमा २५–१७ ले विजयी भएसँगै कर्णाली २–० ले अघि रह्यो । तर त्यसपछिका दुई सेटमा ललितपुरले पुनरागमन गर्न सफल भयो । ललितपुरले तेस्रो सेट २५–१३ ले जित्यो भने चौथो सेटमा २५–१७ को जित निकालेर खेललाई बराबरीमा ल्यायो ।
त्यसपछि निर्णायक पाँचौ सेटमा कर्णाली हाबी बन्न पुग्यो । कर्णालीले १५–८ ले जितेर ट्रफी उचाल्न सफल भयो । यसअघि भदौमा सुरु भएको लिग जेनजी आन्दोनलका कारण बीचैमा स्थगित भएको थियो । त्यसपछि यहि साता बाँकी खेल सकिएका हुन् ।
प्रतिक्रिया दिनुहोस्