सिटीपोष्ट
काठमाडौं, २८ साउन । नेपाल स्वयंसेवी रक्तदाता समाजका केन्द्रीय अध्यक्ष एवं सर्वाधिक स्वयंसेवी शतक रक्तदाता प्रेमसागर कर्माचार्यकाे प्रमुख आतिथ्यतामा आज सञ्जीवनी अस्पतालकाे सभाकक्षमा नेपाल स्वयंसेवी रक्तदाता समाज काठमाडाैं जिल्ला नागर्जुन नगर समिति गठनार्थ एक भेलाकाे आयाेजना गरियाे ।
उक्त भेलाकाे सभाध्यक्ष नेपाल रेडक्रस साेसाइटी काठमाडौं जिल्ला शाखाका पूर्व कार्यसमिति सदस्य स्वयंसेवी रक्तदाता ईश्वर बलामीले गर्नुभएको थियोे ।
जबसम्म स्थानीय स्तरमा रक्तदान बारे जनचेतना अभिबृद्धि गर्न सकिन्न तबसम्म रक्त ब्यवस्थापनमा रक्तदाताहरूकाे संख्यामा गुणात्मक छलाङ सहजै मार्ला भन्न सकिन्न मूल मर्मलाई आत्मसात् गर्दै नेपाल स्वयंसेवी रक्तदाता समाज स्थानिय स्तरमा रगत दान र त्यस रगतबाट तयार पारिने रक्त-तत्वहरूकाे बारेमा जानकारी दिंदै संगठन बिस्तार गर्दै आइरहेको छ ।
यसै सिलसिलामा ईश्वर बलामीकाे अध्यक्षतामा नाै जनाकाे नगर कार्य समिति चयन भएको छ । जसमा उपाध्यक्ष दाैलत बिष्ट,सचिव राधेश्याम बलामी,काेषाध्यक्ष सिजन श्रेष्ठ सदस्यहरूमा क्रमशः मनाेज मानन्धर,माधव मानन्धर,घनश्याम गाैतम,प्रकाश बलामी र दिलिप भट्टराई रहनु भएको छ ।
नव गठित समितिलाई प्रमुख अतिथि नेपाल स्वयंसेवी रक्तदाता समाजका केन्द्रीय अध्यक्ष एवं सर्वाधिक स्वयंसेवी शतक रक्तदाता प्रेमसागर कर्माचार्यले बधाई एवं शुभकामना दिंदै कार्यकालकाे पूर्ण सफलताको कामना दिनुभयो ।
प्रतिक्रिया दिनुहोस्