सिटीपोष्ट
काठमाडौँ, १३ असोज । चाडपर्वलाई लक्षित गर्दै नेपालका लागि होण्डा मोटरसाइकल तथा स्कुटरको आधिकारिक वितरक स्याकार ट्रेडिङ कम्पनी प्रालिले ‘यो दशैं, आशाको सुरुवात’ नामक विशेष योजना सार्वजनिक गरेको छ । दशैं, तिहार तथा छठ पर्वको अवसर पारेर ल्याइएको योजनाअन्तर्गत होण्डाका नयाँ मोटरसाइकल तथा स्कुटर खरिद गर्ने ग्राहकले विभिन्न सुविधा तथा नगद पुरस्कार प्राप्त गर्ने अवसर पाउने भएका छन् ।
कम्पनीका अनुसार योजनाअन्तर्गत होण्डाको नयाँ बाइक वा स्कुटर खरिद गर्ने ग्राहकले स्क्र्याच कुपनमार्फत १ लाख रुपैयाँसम्म नगद जित्न सक्नेछन् । चाडपर्वको समयमा नयाँ दुईपाङ्ग्रे सवारीसाधन खरिद गर्ने ग्राहकलाई लक्षित गरी योजना ल्याइएको कम्पनीले जनाएको छ ।
योजनाको मुख्य आकर्षणका रूपमा ‘होण्डा छ साथ साथ’ अफर राखिएको छ । यसअन्तर्गत प्रत्येक साता सातवटै प्रदेशबाट एक–एक जना गरी सात जना भाग्यशाली विजेता छनोट गरिने कम्पनीले जनाएको छ । छनोट भएका प्रत्येक विजेताले १ लाख रुपैयाँसम्म नगद पुरस्कार जित्ने अवसर पाउनेछन् ।
कम्पनीले पुरस्कारसँगै सामाजिक उत्तरदायित्वलाई समेत योजनामा जोडेको जनाएको छ । विजेताले प्राप्त गर्ने नगद रकम बराबरकै रकम होण्डा नेपालले प्रधानमन्त्री दैवी प्रकोप उद्धार कोषमा योगदान गर्नेछ । उदाहरणका रूपमा कुनै ग्राहकले १ लाख रुपैयाँ पुरस्कार प्राप्त गरेमा कम्पनीले पनि सोही बराबरको १ लाख रुपैयाँ उक्त कोषमा योगदान गर्ने जनाएको छ ।
कम्पनीका अनुसार यस व्यवस्थाले ग्राहकलाई पुरस्कार प्राप्त गर्ने अवसरसँगै दैवी विपत्तिबाट प्रभावित नागरिकका लागि सहयोग गर्ने कार्यमा अप्रत्यक्ष रूपमा सहभागी गराउनेछ । चाडपर्वको अवसरमा ग्राहकसँगको सम्बन्धलाई सामाजिक उत्तरदायित्वसँग जोड्ने उद्देश्यले यो व्यवस्था गरिएको कम्पनीले जनाएको छ ।
योजनाअन्तर्गत नगद पुरस्कारबाहेक ग्राहकले थप सुविधासमेत छनोट गर्न पाउनेछन् । ग्राहकले आफ्नो आवश्यकता र प्राथमिकताअनुसार तीनमध्ये कुनै एक सुविधा रोज्न सक्ने व्यवस्था गरिएको छ । जसअनुसार १० हजार रुपैयाँसम्मको अतिरिक्त स्क्र्याच कुपन, सात वर्षसम्म निःशुल्क सर्भिसिङ वा पाँच वर्षसम्मको वार्षिक मर्मत सम्झौता लिन सकिनेछ ।
कम्पनीले नयाँ मोटरसाइकल तथा स्कुटर खरिदलाई सहज बनाउन वित्तीय सुविधाको व्यवस्था पनि गरेको छ । योजनाको वित्तीय साझेदारका रूपमा स्याकार हायर पर्चेज प्रालि रहेको छ । सोमार्फत ग्राहकले सवारीसाधन खरिदका लागि सहज वित्तीय सुविधा प्राप्त गर्न सक्ने कम्पनीले जनाएको छ ।
होण्डाले चाडपर्वको समयमा दुईपाङ्ग्रे सवारीसाधनको माग बढ्ने भएकाले ग्राहकलाई लक्षित गर्दै विभिन्न सुविधा समेटिएको योजना सार्वजनिक गरेको हो । कम्पनीका अनुसार योजनाले ग्राहकलाई खरिदसँगै नगद पुरस्कार, सर्भिसिङ तथा मर्मतसम्बन्धी विकल्प उपलब्ध गराउनेछ ।
स्याकार ट्रेडिङ कम्पनी प्रालि पद्म ज्योति ग्रुपअन्तर्गत होण्डा मोटरसाइकल तथा स्कुटरको नेपालका लागि आधिकारिक वितरक हो । कम्पनीले नेपालमा होण्डाका विभिन्न मोडलका मोटरसाइकल तथा स्कुटर बिक्री तथा बिक्रीपछिको सेवा प्रदान गर्दै आएको छ ।
‘यो दशैं, आशाको सुरुवात’ योजनामा सहभागी हुने ग्राहकले कम्पनीले तोकेका नियम तथा सर्त पालना गर्नुपर्नेछ । पुरस्कार तथा अन्य सुविधा योजनामा तोकिएका प्रावधानअनुसार उपलब्ध हुने कम्पनीले जनाएको छ ।
चाडपर्वको अवसरमा ग्राहकलाई थप सुविधा उपलब्ध गराउने तथा दैवी प्रकोप उद्धार कोषमा योगदान गर्ने उद्देश्यसहित ल्याइएको योजनाले खरिदसँगै सामाजिक उत्तरदायित्वलाई समेत जोडेको कम्पनीको भनाइ छ ।
प्रतिक्रिया दिनुहोस्