सिटीपोष्ट
काठमाडौँ, १ असोज । दशैंलाई लक्षित गर्दै यामाहा नेपालले ग्राहकलाई पुरानो दुईपांग्रे सवारीसाधनबाट नयाँ पुस्ताका मोटरसाइकल तथा स्कुटरतर्फ ‘अपग्रेड’ गराउने उद्देश्यसहित नयाँ अभियान सार्वजनिक गरेको छ । कम्पनीले ‘चङ्गा चेट, जितको नयाँ अपग्रेड’ नाममा ल्याएको अभियानमा नयाँ सवारी खरिदसँगै आकर्षक पुरस्कार, पुरानो सवारीसाधनको तत्काल साटफेर र सजिलो वित्तीय सुविधालाई समेटेको छ ।
यामाहाका अनुसार अभियानअन्तर्गत सहभागी ग्राहकले विभिन्न चरणमा १० लाख रुपैयाँसम्मका पुरस्कार जित्ने अवसर पाउनेछन् । अभियानमा सहभागी हुन ग्राहकले क्यूआर कोड स्क्यान गरी आफ्नो विवरण दर्ता गर्नुपर्नेछ । दर्तापछि खरिद गरिएको यामाहा सवारीसाधनको प्रमाणीकरण गराउने ग्राहक पुरस्कार योजनामा सहभागी हुन सक्नेछन् ।
अभियानको विशेष आकर्षणका रूपमा ब्रान्ड नयाँ यामाहा आर१५ लाई ग्रान्ड पुरस्कारमा राखिएको छ । अभियान अवधिमा भाग्यशाली एक जना विजेताले आर१५ मोटरसाइकल घर लैजान पाउने कम्पनीले जनाएको छ । यसबाहेक दर्ता गर्ने ग्राहकले हरेक साता विभिन्न उच्च प्रविधियुक्त उपकरण तथा अन्य पुरस्कार जित्ने अवसर पनि पाउनेछन् ।
कम्पनीले पुरस्कार योजनासँगै दशैंको समयमा सवारी खरिद गर्दा देखिने अर्को प्रमुख चुनौतीलाई पनि सम्बोधन गर्ने प्रयास गरेको छ । पुरानो मोटरसाइकल वा स्कुटर भएकाले नयाँ सवारीमा जान चाहने ग्राहकका लागि स्पट एक्सचेन्ज सुविधा उपलब्ध गराइएको छ । यसबाट ग्राहकले आफ्नो पुरानो सवारीसाधन तत्काल मूल्यांकन तथा साटफेर गरी नयाँ यामाहा खरिद गर्न सक्नेछन् ।
त्यस्तै, सवारी खरिदलाई सहज बनाउन एमएडब्लू हायर पर्चेजमार्फत सजिलो वित्तीय सुविधा उपलब्ध हुने कम्पनीले जनाएको छ । ग्राहकले ‘लैजाऊ घर, नागरिकताको भरमा’ योजनाअन्तर्गत आवश्यक नागरिकता कागजात बुझाएर सवारीसाधन घर लैजान सक्ने व्यवस्था पनि अभियानमा समेटिएको छ ।
अभियानमा यामाहाको विभिन्न श्रेणीका मोटरसाइकल तथा स्कुटर समावेश छन् । स्पोट्र्स बाइकदेखि दैनिक आवतजावतका लागि प्रयोग हुने कम्युटर मोटरसाइकल तथा स्कुटरसम्मका मोडललाई अभियानमा समेटिएपछि ग्राहकले आफ्नो आवश्यकता, बजेट र रुचिअनुसार सवारी छनोट गर्न सक्ने कम्पनीको भनाइ छ ।
यामाहाले यस अभियानलाई केवल बिक्री प्रवद्र्धनमा सीमित नराखी सामाजिक उत्तरदायित्वसँग समेत जोडेको छ । कम्पनीका अनुसार अभियानबाट प्राप्त आम्दानीको केही हिस्सा हालैको बाढीबाट प्रभावित समुदायको सहयोगका लागि प्रधानमन्त्री राहत कोषमा योगदान गरिनेछ । यसले दशैंको समयमा हुने सवारी खरिदलाई सामाजिक सहयोगसँग जोड्ने प्रयास गरिएको देखिन्छ ।
दशैं नेपाली दुईपांग्रे बजारका लागि महत्वपूर्ण बिक्री सिजन मानिन्छ । चाडपर्वका समयमा नयाँ सवारी खरिद गर्ने तथा पुरानो सवारी फेर्ने ग्राहकको चासो बढ्ने भएकाले कम्पनीहरूले यस्ता अवसरमा विशेष योजना ल्याउने गरेका छन् । यामाहाको यसपटकको अभियानमा भने पुरस्कारसँगै एक्सचेन्ज, वित्तीय सुविधा र कागजातका आधारमा सवारी लैजान सकिने योजनालाई एकैपटक अघि सारिएको छ ।
यामाहा नेपालले नयाँ पुस्ताका ग्राहकको बदलिँदो रुचिलाई ध्यानमा राखेर प्रविधि, डिजाइन र प्रदर्शनलाई आफ्ना उत्पादनको मुख्य विशेषताका रूपमा प्रस्तुत गर्दै आएको छ । ‘चङ्गा चेट, जितको नयाँ अपग्रेड’ अभियानमार्फत पनि नयाँ प्रविधि तथा आधुनिक डिजाइन भएका सवारीतर्फ ग्राहकलाई आकर्षित गर्ने कम्पनीको लक्ष्य छ ।
कम्पनीले अभियानमार्फत दशैंको सवारी खरिदलाई थप उत्साहजनक बनाउने अपेक्षा गरेको छ । पुरस्कार जित्ने अवसरसँगै पुरानो सवारीसाधन तत्काल साट्न सकिने र वित्तीय सुविधा उपलब्ध हुने भएकाले नयाँ सवारीमा जाने ग्राहकका लागि खरिद प्रक्रिया सहज बनाउने प्रयास गरिएको छ ।
हाल अभियानका लागि रजिस्ट्रेसन खुला रहेको यामाहा नेपालले जनाएको छ । पुरस्कार तथा अन्य सुविधाका लागि कम्पनीले तोकेका नियम तथा सर्त लागू हुनेछन् । अभियानअन्तर्गत कुन ग्राहकले कुन पुरस्कार पाउने भन्ने विवरण आधिकारिक छनोट तथा प्रमाणीकरण प्रक्रियाबाट तय गरिने कम्पनीले जनाएको छ ।
प्रतिक्रिया दिनुहोस्