सिटीपोष्ट
काठमाडौँ, ३० भदौ । ‘इनडोर सुपर लिग’ सिजन–२ को उपाधिका लागि पोखरा वारियर्स र बुटवल एम्पायरबीच प्रतिस्पर्धा हुने भएको छ । प्रतियोगिताको छैटौँ दिन भएका क्वालिफायर र एलिमिनेटरका खेलबाट पोखरा र बुटवलले फाइनलमा स्थान सुरक्षित गरेका हुन् ।
कटिया हाउसको प्रस्तुति तथा एक्सट्रिम इनर्जी ड्रिंकको सह–प्रयोजनमा सञ्चालन भइरहेको प्रतियोगितामा फाइनल पुग्नका लागि टोलीहरूले दबाबपूर्ण खेल खेले । दिनको पहिलो खेल क्वालिफायर–१ मा पोखरा वारियर्सले काठमाडौँ कैलाश किंग्सलाई पराजित गर्दै उपाधि भिडन्तमा आफ्नो स्थान सुरक्षित ग¥यो ।
क्वालिफायर–१ मा जित हात पारेपछि पोखराले फाइनल प्रवेशका लागि थप खेल खेल्नुपर्ने बाध्यता रहेन । क्वालिफायरको जितले उसलाई सिधै फाइनलको टिकट दिलायो । यसले टोलीलाई उपाधिका लागि तयारी गर्ने अतिरिक्त समयसमेत उपलब्ध गराएको छ । काठमाडौँ कैलाश किंग्स भने फाइनल प्रवेशको सम्भावना कायम राख्न एलिमिनेटरबाट आएको बुटवल एम्पायरसँग प्रतिस्पर्धा गर्नुपर्ने अवस्थामा पुगेको थियो ।
पोखराको जितमा दिपेश श्रेष्ठको प्रदर्शन महत्वपूर्ण रह्यो । उत्कृष्ट खेल प्रदर्शन गरेका श्रेष्ठ ‘प्लेयर अफ द म्याच’ घोषित भए । क्वालिफायरको महत्वपूर्ण खेलमा उनको प्रदर्शनले पोखरालाई सिधै फाइनल पु¥याउन योगदान ग¥यो ।
उता, फाइनल पुग्ने अर्को टोलीको टुंगो लगाउन एलिमिनेटरमा बुटवल एम्पायर र मिक्समान्डुबीच प्रतिस्पर्धा भयो । फाइनल यात्राका लागि जित्नैपर्ने अवस्थामा रहेको बुटवलले मिक्समान्डुविरुद्ध प्रभावशाली प्रदर्शन गर्दै जित निकाल्यो । एलिमिनेटर जितसँगै बुटवलले क्वालिफायर–२ मा स्थान बनायो ।
एलिमिनेटरमा बुटवलको जितमा प्रनित थापा मगरको प्रदर्शन उल्लेखनीय रह्यो । उनले उत्कृष्ट प्रदर्शन गरेपछि ८८‘प्लेयर अफ द म्याच’८८को पुरस्कार पाए । एलिमिनेटर जितेपछि बुटवलका लागि फाइनल प्रवेशको ढोका खुल्यो, तर त्यसका लागि उसले क्वालिफायर–२ मा फेरि कडा चुनौतीको सामना गर्नुपर्ने भयो ।
क्वालिफायर–२ मा बुटवलको सामना फेरि काठमाडौँ कैलाश किंग्ससँग भयो । क्वालिफायर–१ मा पोखरासँग पराजित भएपछि अन्तिम अवसरका रूपमा मैदानमा उत्रिएको काठमाडौँ टोलीका लागि यो खेल फाइनल पुग्ने अन्तिम मौका थियो । तर बुटवलले त्यस अवसरमा पनि आफ्नो प्रभाव कायम राख्दै काठमाडौँ कैलाश किंग्सलाई पराजित ग¥यो ।
क्वालिफायर–२ को जितसँगै बुटवल एम्पायरले फाइनलमा पोखरा वारियर्ससँगको भेट पक्का ग¥यो । यस खेलमा सचिन लेखकले उत्कृष्ट प्रदर्शन गरे । उनी ‘प्लेयर अफ द म्याच’ घोषित भए ।
यससँगै प्रतियोगिताको फाइनल समीकरण पनि स्पष्ट भएको छ । पोखराले क्वालिफायर–१ जितेर सिधै फाइनलमा स्थान बनाउँदा बुटवलले भने एलिमिनेटर हुँदै क्वालिफायर–२ पार गरेर अन्तिम भिडन्तको यात्रा तय गरेको हो ।
प्रतियोगिताको छैटौँ दिन काठमाडौँ कैलाश किंग्सका लागि भने निराशाजनक रह्यो ।
फाइनल प्रवेशका लागि प्राप्त दुई अवसरमध्ये पहिलोमा पोखरासँग पराजित भएको काठमाडौँ टोलीले दोस्रो अवसरमा बुटवललाई पनि रोक्न सकेन । मिक्समान्डु पनि एलिमिनेटरमा बुटवलसँग पराजित भएपछि प्रतियोगिताबाट बाहिरियो ।
अब इनडोर सुपर लिग सिजन–२ को उपाधिका लागि पोखरा वारियर्स र बुटवल एम्पायर आमनेसामने हुनेछन् । पोखरा सुरुआतदेखि नै प्राप्त अवसरलाई सदुपयोग गर्दै सिधै फाइनल पुगेको छ भने बुटवलले दबाबपूर्ण अवस्थामा लगातार दुई खेल जित्दै फाइनलमा स्थान बनाएको हो । त्यसैले फाइनलमा पोखराको स्थिर प्रदर्शन र बुटवलको लयबीचको प्रतिस्पर्धा हेर्नलायक हुने अपेक्षा गरिएको छ ।
प्रतिक्रिया दिनुहोस्