काठमाडौँ, २२ असोज । आइसिसी टी–२० विश्वकप एसिया तथा इस्ट एसिया प्यसिफिक छनोटको तयारीमा रहेको नेपालले दोस्रो अभ्यास खेलमा कतारलाई पराजित गरेको छ ।ओमानको मस्कटमा रहेको ओमान क्रिकेट एकेडेमी ग्राउण्ड टर्फ–२ मा केही बेरअघि सम्पन्न खेलमा नेपालले कतारलाई १६ रनले पराजित गरेको हो ।
यसअघि भएको पहिलो अभ्यास खेलमा नेपालले ओमानलाई हराएको थियो । नेपालले जितका लागि दिएको १७१ रनको लक्ष्य पछ्याएको कतार निर्धारित २० ओभरमा छ विकेट गुमाउँदै १५४ रनमा समेटियो ।
कतारका मोहम्मद तनबिरले ३७ बलमा तीन चौका र दुई छक्कासहित सर्वाधिक ५१ रन बनाए । त्यस्तै मिर्जा मोहम्मद बेगले २७ बलमा चार छक्कासहित ४० तथा मोहम्मद असिमले ३० रन बनाए ।
नेपालका लागि करणले केसीले तीन विकेट लिए भने दीपेन्द्रसिंह ऐरी, ललित नारायण राजवंशी र नन्दन यादवले समान एक÷एक विकेट लिए ।
त्यसअघि टस जितेर पहिला ब्याटिङ रोजेको नेपालले निर्धारित २० ओभरमा सात विकेट गुमाउँदै १७० रनको योगफल बनाएको थियो ।
नेपालका कुशल भुर्तेलले ३३ बलमा पाँच चौका र तीन छक्कासहित सर्वाधिक ५६ रनको योगदान दिए । दीपेन्द्रसिंह ऐरीले २१ बलमा एक चौका र तीन छक्कासहित ३८ रन बनाए भने कुशल मल्ल २९ बलमा एक चौका र दुई छक्कासहित ३८ रनमा अविजित रहे । आरिफ शेखले १३, ओपनर आसिफ शेखले ११ तथा रोहित पौडेलले आठ रन बनाए ।
कतारका लागि शरिक मुनिर र मोहम्मद इक्रामउल्लाले समान दुई÷दुई विकेट लिए ।
नेपालले आईसीसी टी ट्वान्टी विश्वकप एसिया तथा ईएपी छनोटको वार्मअप खेलमा कतारलाई १६ रनले पराजित गरेकोछ ।
मस्कटमा रहेको ओमान क्रिकेट एकेडेमी ग्राउण्डमा टर्फ–२ मा जित्नलाई १ सय ७१ रनको लक्ष्य पछ्याएको कतारले निर्धारित २० ओभरमा ६ विकेट गुमाउँदै १ सय ५४ रन बनायो ।
कतारका मोहम्मद तनबिरले ३७ बलमा ३ चौका र २ छक्कासहित सर्वाधिक ५१ रन बनाए । मिर्जा मोहम्मद बेगले २७ बलमा ४ छक्कासहित ४० तथा मोहम्मद असिमले ३० रन बनाउँदा अन्यले दोहोरो अंकमा रन बनाउन सकेनन् ।
नेपालका करणले केसीले ४ ओभरमा ३६ रन खर्चेर ३ विकेट लिए । दीपेन्द्रसिंह ऐरी, ललित नारायण राजवंशी र नन्दन यादवले १–१ विकेट लिए । सन्दीप लामिछानेले ३ ओभरमा २५ रन खर्चेर विकेटविहीन बन्दा नेपालले आज सोमपाल कामीलाई विश्राम दिएको थियो ।
त्यसअघि टस जितेर ब्याटिङ रोजेको नेपालले निर्धारित २० ओभरमा ७ विकेट गुमाउँदै १ सय ७० रन बनाएको थियो । नेपालका कुशल भुर्तेलले ३३ बलमा ५ चौका र ३ छक्कासहित सर्वाधिक ५६ रन बनाए ।
दीपेन्द्रसिंह ऐरीले २१ बलमा १ चौका र ३ छक्कासहित ३८ रन बनाए । कुशल मल्ल २९ बलमा १ चौका र २ छक्कासहित ३८ रनमा अविजित रहँदा ओपनर आसिफ शेख ११, रोहित पौडेल ८, सन्दीप जोरा १, लोकेश बम २ र आरिफ शेख १३ रनमा आउट भए ।
कतारका शरिक मुनिर र मोहम्मद इक्रामउल्लाले २–२ विकेट लिए ।
नेपालले बुधबार कुवेतसँग खेल्दै प्रतियोगिता सुरुवात गर्नेछ । नेपालको समूह बी मा कुवेत र जापान छन् । तीन समूहबाट शीर्ष दुई टोली सुपर सिक्समा पुग्नेछन् । सुपर सिक्समा अन्य समूहबाट आएका चार टोलीबाट खेलेपछि शीर्ष तीन टोली २०२६ मा भारत र श्रीलंकामा हुने टी२० विश्वकप खेल्न पाउनेछन् ।
सिटीपोष्ट
प्रतिक्रिया दिनुहोस्