सिटीपोष्ट
काठमाडौं, ४ असार । फिल्म ‘गुन्यो चोलो’ मा नाजिर हुसेन ट्रान्सवुमनको भूमिका देखिने भएका छन् ।
अभिनेता नाजिर हुसेनले पहिलो पटक पारालैंगिक महिला ९ट्रान्सवुमन० को भूमिकामा अभिनय गर्नुभएको फिल्म गुन्यो चोलो आगामी भदौ १३ गतेदेखि प्रदर्शनमा आउने भएको हो। काठमाडौंमा आयोजित एक कार्यक्रममा फिल्मको पहिलो गीत ‘म फूल हुँ कि काँडा’ सार्वजनिक गरिएको हो ।
गीतको भिडियोमा नायक नाजिर बेहुलीझैं सिंगारिएर भावुक मुद्रामा नृत्य गरिरहेका देखिन्छन्। उहाको हाउभाउ, चालचलन, र नृत्य शैली सम्पूर्णरूपमा महिलाजस्तै छ। नृत्यका क्रममा उहाँको अनुहारमा पीडा र संवेदनशीलता झल्किएको छ। कमल राईको कोरियोग्राफी रहेको उक्त गीतमा नायक नाजिरसँगै सुशील सिटौला, उत्तम केसी, स्व। सानु ताम्राकार, शिशिर राणा लगायतका कलाकारहरुलाई देख्न सकिन्छ ।
गीतमा मनीषा पोखरेलको सशक्त गायन सुन्न सकिन्छ भने शब्द तथा संगीत लेखु सहयात्रीको रहेको छ।
प्रतिक्रिया दिनुहोस्