सिटीपोष्ट
काठडमाडौँ, १३ असार । फिल्म “लालीबजारमा” स्वस्तिमा खड्क फरक भूमिकाम देखिन थालेकी हुन् । जात्रा’ फिल्म श्रृंखलाको निर्माण कम्पनी षट्कोण आर्ट्सले निर्माण गर्न लागेको नयाँ फिल्म ‘लालीबजार’ मा अभिनेत्री स्वस्तिमा खड्काको मुख्य भूमिका रहेको छ । निर्माण पक्षले फिल्मको फर्स्टलुक पोस्टर सार्वजनिक गर्दै स्वस्तिमाको सहभागिता औपचारिक रूपमा घोषणा गरेको हो।
पोस्टरमा स्वस्तिमा गर्भवती महिलाको रूपमा देखिएकी छन्। उनको न सिउँदोमा सिन्दूर, न त गलामा मंगलसूत्र। उनी एक ढोकाबाट बाहिर हेरिरहेकी अवस्थामा चित्रित गरिएको छ, जहाँ उनको श्रृंगार, हाउभाउ र पहिरनले उनलाई अहिलेसम्म भन्दा फरक भूमिकामा प्रस्तुत गर्न लागिएको देखिन्छ ।
निर्माण टिमले फर्स्टलुकसँगै फिल्मको प्रदर्शन मिति पनि घोषणा गरेको छ । फिल्म ‘लालीबजार’ आगामी फागुन १ गतेबाट प्रदर्शनमा आउने बताएका छन्।
फिल्मको लेखन तथा निर्देशन यम थापाले गर्दैछन् भने निर्माणमा रवीन्द्र सिंह बानियाँ र म्याक्स दीपेस खत्री संलग्न छन्। प्रदीप भट्टराईफिल्मका कार्यकारी निर्माता हुन्। फिल्मको छायांकन दशैंपछिबाट सुरु हुने जनाइएको छ।
प्रतिक्रिया दिनुहोस्