सिटीपोष्ट
काठमाडौँ, २८ जेठ । सभामुखसहित बसेको सत्ता पक्ष र प्रतिपक्ष सहित बसेको बैठक निष्कर्षविहिन भएको छ । सत्तापक्ष र प्रतिपक्षी दलहरू आज पनि सहमतिमा पुग्न नसक्दा संसद बैठक सन्चालन अन्योलमा परेको छ ।
संसदको अवरोध खुलाउने विषयमा सभामुख देवराज घिमिरेसहित कांग्रेस, एमाले, माओवादी केन्द्र, रास्वपाका नेताहरुको संयुक्त बैठक बसेको थियो ।
बैठकमा गृहमन्त्रीको राजीनामा र भिजिट भिसा प्रकरणको छानबिन गर्नुपर्ने प्रतिपक्षी दलहरुको मागमा सत्तापक्षका नेताहरु सहमत नभएपछि बैठक निष्कर्षविहीन भएको हो ।
सभामुखसहितको छलफल पछि अहिले नेपाली कांग्रेस र नेकपा माओवादी केन्द्रका नेताहरु छलफलमा जुटेका छन् । कांग्रेसको नेतृत्व उपसभापति पूर्णबहादुर खड्का र माओवादी केन्द्रको नेतृत्व वर्षमान पुनले गरेका छन् ।
प्रतिक्रिया दिनुहोस्