सिटीपोष्ट
भोजपुर, २० जेठ । विदेशमा लिएको अनुभव तथा सीपलाई प्रयोग गर्दै गाउँमा नै मनग्य आम्दानी गर्दै आएका छन् । भोजपुर नगरपालिका–६ भङ्गेरीका कमल तामाङ विदेशमा सिकेको सिप प्रयोग गरेर व्यावसायिक रुपमा माछापालन गरिरहेको छ । आफ्नै गाउँघरमा बसेर उक्त सिप प्रयोग गर्दै तामाङ उदाहरणीय बनेको छ । पैसा कमाउन विदेशमा मात्र नभई स्वदेशमा पनि कमाउन सकिने बताउछन् । उनी अहिले आफ्नै ठाउँमा पाँचवटा पोखरीमा खनेर माछापालन गरिरहेको छ । पोखरीमा ६० किलोग्राम ग्रासकार्प माछाको भुरा छाडेको तामाङ बताउछन् ।
वैदेशिक रोजगारीका सिलसिलामा मलेसियामा पाँच वर्ष बिताएर आफ्नो ठाउँमा त्यहाँको भोगाइ र अनुभवलाई सदुयोग गर्दै माछापालनमा लागेको उनले बताए । आफ्नै ठाउँमा व्यावसायिक रुपमा कृषिकर्म गर्न सकेमा स्वदेशमा नै विदेशको भन्दा राम्रो आम्दानी लिन सकिने उनले पुष्टि गरे ।
धेरै युवामा विदेशप्रति मोह बढेको देखिन्छ, तर विदेशको दुःख त्यहाँ पुगेपछि मात्र थाहा हुन्छ । विदेशमा दुःख गर्नुभन्दा आफ्नै ठाउँमा दुःख गर्ने सोचका साथ यो व्यवसायमा लागेको उनी बताउछन्। उनी थप्छन् त्यहाँको मेहनत यहाँ गर्ने हो भने राम्रो आम्दानी हुन्छ । आफ्नै ठाउँमा परिवारसँग बसेर व्यवसाय गर्दा छुट्टै आनन्द भएको किसान तामाङले बताए।
भोजपुर सदरमुकामसँग जोडिएको वडा भएकाले किसानले व्यावसायिक माछापालन, तरकारीखेती तथा नगदेबालीको खेतीबाट मनग्य आम्दानी गर्दै आएको वडाध्यक्ष कार्कीले बताए। किसानलाई आयआर्जनमा जोड्न कृषिको क्षेत्रमा वडाले योजनाबद्ध रूपमा काम अघि बढाएको वडाध्यक्ष कार्कीले जानकारी दिए।
प्रतिक्रिया दिनुहोस्