सिटीपोष्ट
काठमाडौं, १४ चैत । समाजवादी मोर्चाले आगामी १५ गते काठमाडौंको भृकुटिमण्डपमा हुने विरोध प्रदर्शनमा हजारौंको संख्यामा मानिसहरू उतार्ने निर्णय गरेको छ ।
बुधबार दिउँसो बसेको समाजवादी मोर्चाको १२ औं केन्द्रीय कार्यसमितिको बैठकले यस्तो निर्णय लिएको नेपाल कम्युनिस्ट पार्टी (नेकपा) का प्रवक्ता खड्गबहादुर विश्वकर्मा प्रकाण्डले जानकारी दिए । उक्त सभामा लगभग डेढ लाख मान्छे उपस्थित हुने अपेक्षा राखिएको उनले बताए ।
‘१५ गतेको समाजवादी मोर्चाले गर्न लागेको विशाल विरोध प्रदर्शन र सभा कार्यक्रमलाई व्यवस्थित गर्ने भएको छ,’ उनले भने, ‘मास हजारौं संख्यामा उपस्थित गराउने निर्णय भएको छ ।’
त्यस्तै, गणतन्त्रको पक्षमा रहेका सबै दललाई उक्त प्रदर्शनमा सहभागी हुन आह्वान पनि भएको उनले बताए ।
राजावादी शक्तिहरूले व्यवस्था विरोधी गतिविधि गर्न थालेको भन्दै त्यसको प्रतिवादका लागि मोर्चा घटक माओवादी केन्द्र र एकीकृत समाजवादी लगायत पार्टीहरूले चैत १५ गते प्रदर्शन आह्वान गरेका छन् ।
त्यस्तै सरकारले नेपाल विद्युत प्राधिकरणको कार्यकारी निर्देशकबाट कुलमान घिसिङलाई बर्खास्त गरेको भन्दै विपक्षी दलहरूले सदनमा प्रतिवाद गरेका छन् । जुलुसलाई व्यवस्थित गर्न विभिन्न रुटहरू तय भएको उनले बताए ।
कुन कुन रुट प्रयोग गरिन्छ ?रुट–१ ः कोटेश्वर–नयाँ बानेश्वेर–माइतीघर–भृकटिमण्डप, रुट–२ ः कुपन्डोल–त्रिपुरेश्वर–सुन्धारा–शान्तिबाटिका– भृकटिमण्डप, रुट–३ ः नागपोखरी–पुतलीसडक–भृकुटिमण्डप
प्रतिक्रिया दिनुहोस्