मान्म (कालिकोट) १७ मङ्सिर । नेकपा (एमाले) का अध्यक्ष केपी शर्मा ओलीले अहिलेको व्यवस्थाविरुद्ध वितृष्णा फैलाउनेहरुबाट सचेत हुनुपर्ने बताउनुभएको छ । समृद्धिका लागि सङ्कल्प यात्रामा निस्कनुभएका ओलीले आज दैलेखको राकममा आयोजित सभालाई सम्बोधन गर्दै गणतन्त्रलाई उल्टाउने कुरा गर्नेको कुचेष्टा सफल नहुने बताउनुभयो । “आज कोही प्रतिगमनतिर फर्कने कुरा गर्दै छ भने त्यो देशद्रोही हो ।
त्यो लोकतन्त्र विरोधी हो ।” उहाँले भन्नुभयो, ‘त्यो जनतालाई गरिब राख्न खोज्ने कुरा हो ।” लोकतन्त्रको बिरोधमा बोल्ने र त्यसबारे सोच्ने व्यक्ति नेपाल र नेपालीको हितको पक्षमा नरहेको अध्यक्ष ओलीको भनाइ छ ।
“त्यो नेपाल र नेपालीको हित विपरीतको कुरा हुन्छ ।” उहाँले भन्नुभयो, “नागरिकसँग भेटौँ र पार्टीका सन्देश जनताबीचमा पु¥याऔँ, नागरिकका कुरा सुन्न सकौँ भनेर एमालेले पूर्वपश्चिम मध्यपहाडी लोकमार्ग अभियान चलाएको छ ।”
प्रतिक्रिया दिनुहोस्